By Adrina Schulz, 30/06/2020

Staatsarchiv des Kantons Zürich (STaZH) A 9.2, Nr. 9. 

(working transcription, there may be errors)

…

1.         Herr Hanns Ochßner Predicant an der Spanweyd zeigt an vor vier jarren er syner geshëfften wëgen zu Clootten gewëßen unnd wie er sëlbiger nacht thrungkner wyß das Niderdorffer Thor beshlossen gefunden er zu dem Oberdorffer Thor khert daselbsten er nit yngelassen worden unnd derhalben denn graben wider uf gangen sëlbiger zytten habe er inn genanndter Bumaninen huß lüth gespürt unnd er der ursachen auch zuo innen hin in ganngen nach ein maß wyn oder zwo thungken hëllffen unnd so bezëcht worden das er nit wüssen möge was personnen domalen an gemëltem ortt gewëßen doch sigen es keini burger nit gesyn unnd als die anndern hinweg ganngen habe gedachte Bumanin ime küssi Inn die stuben gebracht item nach dem er einen schlaaff gethan were sy nach inn der stuben gewëßen unnd er morgens gesëchen das ir eheman (denn er sëlbiger nacht Inn der kamer gespürt) mit der ax uß dem huß ganngen unnd diewyl nun er verstannde das sy inne sy beshlaaffen habe angegëben welle er dessen gichtig syn unnd sy nit laugnen wiewol er wëgen thrungkenheit unnd (reverenter zmelden) synes lybs bruch nit wüssen möge was er mit iren verrichtet haben möchte unnd habe er uff ir begëren erhalter ursachen wëgen unnd das die sachen vershwigen belybind Hanns Jacoben Ziegler dem pfister von irtwëgen fünff guldi bezahlt unnd der Edelman dritthalben guldi unnd acht shilling von ime empfanngen ob aber ir eheman der ime auch gëlt gehöüshet gewüsst was ursachen sy gedachte ansprach gethan könne er nit sagen

…

---

---